Concello do Corgo

O Concello do Corgo, a través do Proxecto CORGORAL e grazas ao traballo participativo desenvolvido en colaboración co alumnado do CEIP Plurilingüe do Corgo e do CPI Ramón Piñeiro, presenta a publicación monográfica que recolle a edición especial do refraneiro tradicional do Corgo.
O acto público e totalmente gratuíto, terá lugar o vindeiro sábado 17, a partir das 18:30 na biblioteca do PALCO (Punto de Atención á Lectura do Corgo). Trátase da primeira recolla sistemática efectuada no concello, contendo máis de catrocentos refráns. Todas as persoas que asistan á presentación levarán de balde cadanseu exemplar.
A xornada completarase con varias actividades mais, no ámbito do programa da XVI edición do Certame Literario Terras de Chamoso: apertura musical a cargo da A. C. A Legua Dereita, entrega de premios, recitado das poesías gañadoras e actuación do cuarteto vocal Son de Corda, seguido polas Cegas de Ouselle.

Vinde a compartir un agradable serán! Contamos coa vosa presenza!

pdf Publicación do listado definitivo de admitidos e excluídos nos procesos selectivos dentro do programa FOMENTO DO EMPREGO 2022. Auxiliar administrativo, Enxeñeiro técnico, dous oficiais 1ª e 2 oficiais 2ª. (1.23 MB)

pdf PUBLICACION DE TRIBUNAL E DATA DE EXÁME AUXILIAR ADMINISTRATIVO E ENXEÑEIRO PLAN UNICO 2022  (418 KB)