Obteña toda a información necesaria sobre o noso municipio
Concello 
Novas
Publicación no DOG nº 286 do mércores 23 de novembro de 2022 das bases polas que se regula o proceso libre excepcional para a consolidación e estabilización como persoal laboral fixo dun posto de Informador/a xuvenil- Encargado/a do Telecentro. (epígrafe de servizos de información xuvenil).
No mesmo DOG publícanse as bases do mesmo proceso para o posto de encargado de instalacións e edificios municipais e dous postos de oficial 2ª -Tractoristas para desbroce e tratamentos preventivos.
No BOE do 1 de decembro, número 288, publícase o estracto destas convocatorias, abríndose o prazo de 20 días naturais para participar nestes procesos selectivos.
Novas
O Concello do Corgo conta cun novo punto limpo móvil para facilitarlle a tódolos veciños e veciñas a reciclaxe de residuos, así como impulsar a sensibilización ambiental.
Este proxecto realízase cunha axuda da Consellería de Medio Ambiente, Territorio e Vivenda de 70.000€, cofinanciada polo fondo europeo relativo ao Mecanismo de recuperación e resiliencia da UE no marco do Plan de recuperación, transformación e resiliencia, financiado pola Unión Europea-NextGenerationEU.
A través da aquisición do punto limpo móbil preténdese mellorar a ampliación dos servizos prestados pola rede galega de puntos limpos existentes na Comunidade Autónoma, e favorecer a adecuada recollida selectiva de residuos por tódalas parroquias deste concello, fomentando a proximidade das instalacións á cidadanía .
Novas
O Concello do Corgo, coa colaboración do Centro Sociocultural e do Proxecto CORGORAL, presenta publicamente o seu novo portal dixital na rede. O acto terá lugar o vindeiro mércores 30 de Novembro a partir das 19:30h na biblioteca do Punto de Atención á Lectura do Corgo (PALCO), xunto ao Punto de Atención á Infancia (PAI).
Desta volta será o especialista Antonio Giz quen explique detalladamente a todas as persoas interesadas a renovada imaxe do rostro público do concello na rede, así coma o futuro funcionamento básico da mesma, con todos os seus apartados renovados e con novos recursos multimedia.
Desde o Concello do Corgo queremos animar a todos os veciños e veciñas a participar neste evento, contribuíndo coas súas achegas a mellorar o deseño e a accesibilidade telemática á administración municipal. Será presentada unha versión piloto que incluirá novos elementos dixitais, coa idea de poñela a andar definitivamente coa maior brevidade posible.
